Мэдээ мэдээлэл - Өвөрхангай аймаг http://uvurkhangai.nutag.mn/ ru Мэдээ мэдээлэл - Өвөрхангай аймаг DataLife Engine ТАНИЛЦ: Ирэх сарын 01-нээс эхэлж цалин ингэж нэмэгдэнэ http://uvurkhangai.nutag.mn/index.php?newsid=2415 http://uvurkhangai.nutag.mn/index.php?newsid=2415 Өнөөдрийн Засгийн газрын хуралдаанаар цалин, тэтгэвэр, тэтгэмжийн нэмэгдлийг баталжээ. Энэ талаар ГБХНХ-ын сайд Т.Аубакир танилцууллаа. Тэгвэл дараах байдлаар цалин нэмэгдэх нь ээ.

]]> zulaa Fri, 30 Oct 2026 11:19:41 +0800 Энэ сарын 19-20-ны өдрийн хооронд суурьшлын бүсэд БААВГАЙ үзэгдсэн 13 удаагийн дуудлага мэдээлэл бүртгэгджээ http://uvurkhangai.nutag.mn/index.php?newsid=2413 http://uvurkhangai.nutag.mn/index.php?newsid=2413 Аймаг, нийслэлээс ирүүлсэн 2026 оны 10 дугаар сарын 19-20-ны өдрийн явцын урьдчилсан мэдээллээр улсын хэмжээнд өнгөрсөн 24 цагийн хугацаанд нийт 13 удаагийн дуудлага мэдээлэл бүртгэгдсэн байна.

Бүртгэгдсэн дуудлага, мэдээллийг нутаг дэвсгэрийн байршлаар нь авч үзвэл:

Нийслэлд: Нэг удаагийн хуурамч дуудлага бүртгэгдсэн.
Орон нутагт: Архангай-2, Увс аймаг-1, Булган-1, Хөвсгөл аймаг-4, Хэнтий аймаг-2, Төв аймаг-2, Сэлэнгэ-1 буюу нийт 7 аймгийн нутаг дэвсгэрт нийт 13 удаагийн дуудлага, мэдээлэл бүртгэгдсэн байна.

Улмаар суурьшлын бүсэд айл өрхүүдийн ойролцоо орж ирсэн 4 баавгайг аюулгүй болгож агнасан байна. Хоёр баавгайг үргээж, суурьшлын бүсээс гаргаж, аюулгүй болгосон бол 5 дуудлага мэдээллийн дагуу орон нутгийн шуурхай баг эрэн хайх ажиллагаа явуулж байгаа юм байна.

УЛСЫН ТУСГАЙ ХАМГААЛАЛТТАЙ ГАЗАР НУТГИЙН МЭДЭЭЛЭЛ:

Улсын тусгай хамгаалалттай газрын хамгаалалттай гурван газар нутгийн 4 байршилд баавгай орж ирсэн тухай дуудлага мэдээлэл бүртгэгдсэн нь Хах Хэнтийн УТХГ, . Улаантайгын УТХГ, Хан хөхийн нурууны БЦГ-т байна. Аймаг сумдын шуурхай баг, Хамгаалалтын захиргааны байгаль хамгаалагчид хамтран ажиллаж байна гэв.

Хөвсгөл аймагт аргагүй хамгаалалтаар гурван баавгайг аюулгүй болгожээ

Хүрэн баавгайн тоо толгойг зохицуулах арга хэмжээг орон нутгийн шуурхай багийн шийдвэрээр хэрэгжүүлэн, аюулгүй болгосон мэдээллийг нэгтгэсэн байдлаар дурдвал

1. Хэнтий аймаг: 10-ыг аюулгүй болгосон, /зөвшөөрлийн дагуу 9, аргагүй хамгаалалт 1 баавгайг аюулгүй болгосон мэдээлэл ирүүлсэн/

2. Сэлэнгэ аймаг: 8-ыг аюулгүй болгосон, /зөвшөөрлийн дагуу 7, аргагүй хамгаалалт 1 баавгайг аюулгүй болгосон мэдээлэл ирүүлсэн/

3. Хөвсгөл аймаг: 16-ыг аюулгүй болгосон (зөвшөөрлийн дагуу 13, аргагүй хамгаалалтаар 3 баавгайг аюулгүй болгосон мэдээлэл ирүүлсэн),

4. Дархан-Уул аймаг: 2-ыг аюулгүй болгосон,

5. Увс аймаг: 4-ыг аюулгүй болгосон,

6. Завхан аймаг: 3- аюулгүй болгосон,

7. Төв аймаг: 2-ийг аюулгүй болгосон,

8. Нийслэл: нэгийг аюулгүй болгосон,

9. Архангай аймаг: нэгийг аюулгүй болгосон,

10. Булган аймаг: нэгийг тус, тус аюулгүй болгож, хууль тогтоомжид заасны дагуу шийдвэрлэсэн байна.

]]> zulaa Thu, 22 Oct 2026 10:18:13 +0800 Японд оршин суугаа гадаадын иргэдийн тоо түүхэн дээд хэмжээнд хүрчээ http://uvurkhangai.nutag.mn/index.php?newsid=2412 http://uvurkhangai.nutag.mn/index.php?newsid=2412

Японд оршин суугаа гадаадын иргэдийн тоо түүхэн дээд хэмжээнд хүрч, 4.28 сая давжээ. Тус улсын Цагаачлалын албаны мэдээлснээр, зургадугаар сарын эцсийн байдлаар тус улсад 4,281,000 гадаадын иргэн оршин сууж байгаа нь өнгөрсөн оны арванхоёрдугаар сарын эцсээс 155,600-аар өссөн үзүүлэлт юм.

Оршин суух зөвшөөрлийн ангиллаар авч үзвэл, байнгын оршин суугчид хамгийн олон буюу 961,300 байна. Үүний дараа инженер, хүмүүнлэгийн ухааны мэргэжилтэн, олон улсын үйлчилгээний ажилтан ангиллын зөвшөөрөлтэй 516,200 хүн, оюутны зөвшөөрөлтэй 479,600 хүн байна.

Харьяаллын улсаар нь ангилбал, Хятадын иргэн хамгийн олон буюу 941 мянга байгаа бол Вьетнамын иргэ 693,800, Өмнөд Солонгосын иргэн 408,700, Филиппиний иргэн 362,800 байгаа юм.

Түүнчлэн энэ оны эхний хагас жилийн хугацаанд Японд 19,707,000 гадаадын иргэн зорчсон нь өмнөх оны мөн үеэс 21,500-аар буурсан үзүүлэлт болж байна. Мөн долдугаар сарын 1-ний байдлаар Японд оршин суух зөвшөөрлийн хугацаагаа хэтрүүлсэн 65,200 гадаадын иргэн бүртгэгджээ.

ЭХ СУРВАЛЖ: NHK

]]> zulaa Thu, 22 Oct 2026 10:00:46 +0800 Төслийн үр дүнд 21 аймгийн Онцгой байдлын газар автомеханик шатны автомашинаар хангагдлаа http://uvurkhangai.nutag.mn/index.php?newsid=2411 http://uvurkhangai.nutag.mn/index.php?newsid=2411

Монгол Улсын Засгийн газар Бүгд Найрамдах Франц Улсын Засгийн газар хооронд байгуулсан санхүүгийн хэлэлцээрийн хүрээнд “Онцгой байдлын ерөнхий газарт гал унтраах тусгай зориулалтын автомашин нийлүүлэх төсөл”-ийг хоёр үе шаттайгаар хэрэгжүүллээ.

Гал түймэр унтраах тусгай зориулалтын 4 төрлийн нийт 60 нэгж автомашин нийлүүлэгдэж, төв, орон нутгийн Онцгой байдлын байгууллагад хуваарилагдан, үүрэг гүйцэтгэж байна.

Төслийн үр дүнд 21 аймгийн Онцгой байдлын газрууд автомеханик шатны автомашинаар хангагдаж, гал унтраах тусгай зориулалтын автомашины хангалт 62.8 хувьд, үйлдвэрийн объектын буюу хөөс үүсгэгч бодисоор гал түймэр унтраах K440 VIM загварын машины хангалт 30.9 хувьд, өндрөөс аврах, гал түймэр унтраах автомеханик шатны автомашины хангалт 83.3 хувьд хүрлээ.

Төслийн хүрээнд нийлүүлэгдсэн гал унтраах автомашинууд нь 6681 удаагийн гал түймрийн дуудлагаар ажиллаж, 5108 иргэний амь нас, эрүүл мэнд, 320 гаруй тэрбум төгрөгийн эд хөрөнгийг авран хамгаалсан байна.

]]> zulaa Sat, 17 Oct 2026 09:47:00 +0800 Арц, хүж уугиулснаас түймэр гарсан байж болзошгүй: 7 га талбай шатжээ http://uvurkhangai.nutag.mn/index.php?newsid=2410 http://uvurkhangai.nutag.mn/index.php?newsid=2410

Чингэлтэй дүүргийн 24 дүгээр хороо, Майхан толгойн арын аманд аравдугаар сарын 13-нд шар өвсний түймэр гарч, долоон га талбай шатсан байна.

Урьдчилсан байдлаар ногоон бүсэд оршин суудаг иргэн ил задгай арц, хүж уугиулснаас гал алдсан байж болзошгүй гэж үзэж байгаа бөгөөд холбогдох байгууллагууд түймрийн шалтгааныг тодруулахаар ажиллаж байна.

Хавар, намрын хуурайшилтын үеэр ой, хээрийн түймэр богино хугацаанд тархаж, их хэмжээний талбайг хамрах эрсдэлтэй. Тиймээс ил задгай гал гаргах, хог шатаах, тамхины ишээ унтраалгүй хаях зэрэг үйлдлээс сэрэмжлэхийг Нийслэлийн Байгаль орчны газраас анхаарууллаа.

Иргэд санамсар болгоомжгүйгээс гал алдсан тохиолдолд Зөрчлийн тухай хуульд заасны дагуу хариуцлага хүлээх бөгөөд учирсан хохирлын хэмжээ, хэргийн нөхцөл байдлаас шалтгаалан эрүүгийн хариуцлага хүлээлгэх боломжтой.

Зөрчлийн тухай хуулийн 5.14 дүгээр зүйлд галын аюулгүй байдлын шаардлага зөрчсөн иргэнийг 100,000 төгрөгөөр, хуулийн этгээдийг 1,000,000 төгрөгөөр торгохоор заажээ.

]]> zulaa Wed, 14 Oct 2026 16:24:14 +0800 Дэлхийг холбосон буухиа шуудан http://uvurkhangai.nutag.mn/index.php?newsid=2403 http://uvurkhangai.nutag.mn/index.php?newsid=2403 -SF Express-ын Монгол Улс дахь салбар компаниХүйтний эрч чангарч, Улаанбаатар хотод цас хаялсан намуухан өдөр байлаа. Манай сурвалжлагын багийнхан Улаанбаатар хотын төв хэсгээс зүүн тийш Нарантуул захын ойролцоо байрлах SF Express-ын Монгол Улс дахь салбар компанид хүрхэд дөрвөн зүг найман зовхисоос ирсэн шуудан илгээмжүүд овоорч, ажилтнууд нь ачаа тээврээ хянаж шалгаад яаралтай байлаа.

SF Express нь 1993 онд БНХАУ-ын Шэньжэнь хотноо үүсгэн байгуулагдсан бөгөөд өнөөдөр дэлхийн 80 гаруй улс оронд салбараа ажиллуулж, шуудан, ложистикийн үйлчилгээ үзүүлдэг тэргүүлэх хувийн хэвшлийн байгууллага болоод буй юм.

SF Express-ын Монгол Улс дахь салбар компани нь 2013 оноос албан ёсны үйл ажиллагаа явуулж эхэлсэн. Хятад Монгол хоёр орны хоорондын бараа бүтээгдэхүүний түргэн шуурхай тээвэрлэлтийн хэрэгцээг хангах, e-commerce зах зээлийн тэлэлтэд дэмжлэг үзүүлэх, жижиг дунд аж ахуйн нэгжүүд болон иргэдэд ложистикийн чанартай үйлчилгээ үзүүлэх зорилготойгоор ажилладаг.

Тус компани нь байгуулагдсан цагаасаа өөрийн өргөн сүлжээгээр дамжуулан Монголын хэрэглэгчдэд дэлхийн улс орнуудтай харилцах хамгийн найдвартай гүүр болон ажилласаар иржээ. SF Express-ын Монгол Улс дахь салбар компанийн гүйцэтгэх захирал Чиньган:

-2020 онд Монгол Улсын ард түмнээс БНХАУ-ын ард түмэнд бэлэглэсэн 30 мянган хонийг тээвэрлэх ажлыг SF Express групп нь хоёр улсын хорио цээрийн дэглэм, гаалийн дүрмийн дагуу амжилтай зохион байгуулсан юм. Энэ нь бидний хувьд маш их ач холбогдолтой үйл ажиллагаа юм. Одоогоор SF Express-ын Монгол Улс дахь салбар компанид Монгол Улсын 17 иргэн ажиллаж, олон улсын хэмжээнд сард 1000-2000 шуудан илгээмж тогтмол явуулж байна. Саяхан бид UPS олон улсын шуудангийн группын Монгол Улс дахь салбар компаниийн хувиар ажиллах гэрээ байгуулсан байгаа юм. Энэ нь олон улсын хооронд ачаа тээвэр явуулах эрхийн зөвшөөрөлтэй болсон гэсэн үг. Манай компанийн үйлчилгээний цар хүрээ улам өргөн хэмжээнд тэлсээр байна гэлээ.

SF Express-ын Монгол Улс дахь салбар компани нь Монгол улсаас олон улс орон руу шуудан илгээмжийн үйл ажиллагаа эрхлэн явуулж байгаа бөгөөд Европын 26 улс, Азийн 16 улс, АНУ, Канад, Мексик, Австрали зэрэг улс руу шуудан илгээмжийг гараас гарт, түргэн шуурхай, найдвартай тээвэрлэж байна. SF Express-ын Монгол Улс дахь салбар компанийн зөвлөх Б.Аюурзана:

-SF Express-ын Монгол Улс дахь салбар компани нь шуудангийн соёлыг Монгол Улсад нэвтрүүлэх зорилготой орж ирсэн. Өмнө нь Хятад шуудан болон Монгол шуудангийн хооронд л бараа бүтээгдэхүүний солилцооны шуудан нэвтэрдэг байсан. Дараа нь хүнээр дамжин дайвар хэлбэрээр бүтээгдэхүүн явуулах болсон, одоо гэхэд олон улсын хэмжээнд дэлхийн стандартад нийцсэн шуудан болох SF Express Монголд нэвтэрсэн. Анх эхлээд Улаанбаатар хотод үйл ажиллагаа явуулж байснаа одоо Монголын бүх аймаг хотуудад Хятадаас ирж буй шууданг хүргэх буюу Хятадад буюу олон улсад шуудан илгээж байна. Манай шуудан нь найдвартай, түргэн шуурхай, баталгаатай гэдгээрээ хамгийн давуу талтай юм. Мөн үүнийхээ дагуу ажилладаг. Монголын харилцаа холбооны зохицуулах хорооны сүүлийн 4-5 жилийн дүнгээс харахад SF Express-ын Монгол Улс дахь салбар компани нь Монгол Улсад ажиллаж буй шуудангийн салбарт эхний 2 юм уу 3-р байрыг эзэлсээр байна. Энэ нь SF Express нь улсын хууль тогтоомжийг найдвартай хэрэгжүүлж, шуудангийн үйл ажиллагааг найдвартай явуулдаг гэсэн үг. Монголоос олон улсын хэмжээнд шуудан илгээмж явуулах явцад компани маань хилийн хамгийн найдвартай үйлчлүүлэгч, хамгийн найдвартай харилцагч гэсэн итгэлийг олсон гэлээ.

Найдвартай, баталгаатай, шуурхай үйлчилгээг орчин үеийн технологийн ололтод тулгуурлан гараас гарт хүргэн, Монголын шуудангийн салбарт шинэ шинэлэг бүхнийг нэвтрүүлж, дэлхийн зиндааны чанартай үйлчилгээг хангаж байна. Уг компанийн Гаалийн менежер Т.Билгүүн:

-бид нар хэрэглэгч нартаа олон улсын шуудан илгээмжүүдийг нь тогтмол шуурхай түргэн хүргэж өгөх үйлчилгээг хангаж байна. Би уг компанид 6 жил гаруй ажиллаж байна, хэрэглэгчид маань жил ирэх тусам нэмэгдэж байна, тэд ч сэтгэл ханамж өндөр байдаг. Миний хувьд олон улсын байгуулагад ажиллаж байгаа учраас олон юм сурч авдаг, SF Express хэмээх том гэр бүлийн нэг гишүүн болсондоо маш баяртай байна.

SF Express групп нь Хятадад үйл ажиллагаа явуулж буй төдийгүй дэлхийн олон улсад үйл ажиллагааны цар хүрээгээ тэлсээр байна. Уг компани нь зөвхөн ашиг олохын төлөө биш, харин улс орон, бүс нутгийн хооронд соёлыг нэвтрүүлэх тал дээр маш эрчимтэй ажиллаж буйгаараа онцлог юм. Тухайн ажиллаж буй улс орондоо нийгмийн салбарт, ялангуяа соёл, боловсрол, хүмүүнлэгийн салбарт ач холбогдолтой үйл ажиллагаа явуулдаг. Солонго SF сургууль 2017 онд Монгол Улсад байгуулагдахад SF Express группээс зуун хувийн тусламж үзүүлжээ. Энэ нь хүүхдүүд ба эрүүл мэндийн салбарт тус компанийн оруулж буй буяны үйлсийн нэгэн жишээ юм.

Одоогоор тус сургууль нь 700 гаруй сурагч, 60 гаруй багш ажилтчинтай. Тус сургууль Монгол Улсын бага, суурь болон бүрэн дунд боловсролын хөтөлбөрийг англи хэлний гүнзгийрүүлсэн сургалтын хөтөлбөртэй хослуулан хэрэгжүүлдэг төрийн өмчийн бус хос хэлний сургалттай сургууль юм. Тус сургууль нэгдүгээр ангиасаа англи хэлийг монгол хэлтэй хослуулан заадаг ба гуравдугаар ангиасаа эхлэн хятад, япон, солонгос хэлийг сонгон, сонгосон хэл бүрийг олон улсын шалгалтын түвшинд бэлтгэн сургадаг. Сурагчид 12-р ангиа төгсөөд гадаадын их дээд сургуулиудад хэлний бэлтгэлгүйгээр мөн тэтгэлэг аван суралцах боломжтой байдаг. Солонго SF сургуулийн захирал Б.Энхжаргал:

-Сургууль маань анх байгуулагдахад маш олон хүнээс тусламж, талархал тоссон. Сургууль байгуулна гэдэг бол хүүхдүүдэд эрдэм номын хөтөч болдог гэдгээрээ буянтай үйлс юм. Сургууль байгуулагдахад SF Express группээс 100 хувийн хөрөнгө оруулалт хийж, бидэнд бэлэг барьсан юм. Энэ нь Монголын хүүхдүүдэд том хөрөнгө оруулалт болж буян үйлдсэн хэрэг юм. Ингэснээр манай сургуулийн дэвшин дээшлэх үүд хаалга нээгдсэн. Ингээд бид Солонго гэдэг нэрийнхээ ард SF гэдэг үгийг оруулаад “Солонго SF сургууль” гэж нэрлэсэн байгаа юм. Хүүхдүүд маань жил бүр SF Express групп-д талархалын захиа явуулдаг. Манай сургуульд Хятад компани хөрөнгө оруулалт хийсэн гэдэг утгаараа хятад хэл сурах ба Хятадад сурах сонирхолтой хүүхдүүд маш олон, энэ бол манай сургуулийн бас нэг бахархал юм. Сургуулийн хувьд Хятадын дунд сургуулиудтай харилцан холбоо тогтоож хүүхдүүдээ харилцан солилцох төлөвлөгөөтэй байна.

Cургуулийн таатай орчныг бүрдүүлсний үндсэн дээр мэргэжлийн чадварлаг багш ажилтныг сонгон авч шинжлэх унааны хамгийн шинэ мэдлэгийг хүүхдэд зөв хялбар аргаар ойлгуулж, мэдлэг, дадал олоход чиглэсэн эрүүл чийрэг, эрдэм боловсролтой зөв хүнийг төлөвшүүлж, байгальд ээлтэй, эх дэлхийтэйгээ ойрхон, орчноо зөв зохион байгуулсан эко сургууль байхыг эрхмэлдэг билээ.

Манай сурвалжлагын багийнхан Солонго SF сургуультай танилцаж, хүүхдийн хоолноос амсан сэтгэл дүүрэн буцах боллоо.

-SF Express-ын Монгол Улсад явуулж буй үйл ажиллагаа саруул уудам хөгжлийн хэтийн төлөвтэй байна. UPS олон улсын шуудангийн группыг саяхан өөрийн компаньдаа нэтгэж авсан. Үүгээрээ бид Ази, Еропын зах зээлд үйл ажиллагаа улам илүү өргөтгөж байна. Монголын жижиг дунд аж ахуйн нэгжийн бүтээгдэхүүнийг гадагш гаргах, тэдний бараа матриалыг гадаадаас оруулах зэрэг нийгмийн чиглэсэн ажилд илүү анхаарч байна. Хятадын бараа бүтээгдэхүүнийг Ероп, Орос руу гаргах хамгийн төд зам бол Монгол улсаар дамжуулах явдал болно. Олон улсын чиглэлүүдийн нисэх онгоц, төмөр зам, авто замыг сайн ашиглах тал дээр бас илүү түлхүү анхааран ажиллах болно. Бас Эрээн боомт ба Замын үүдийн чөлөөт бүсэд том хэмжээний агуулах байгуулж, хоёр орны хооронд хийгдэж буй бизнесийн харилцааг улам илүү шуурхай, соёлтой хэлбэр руу оруулна гэж Б.Аюурзана ярилаа.

Зохиогч: Нийтлэл: ЮЙ-ИН, Х.АРВИНТАЛ, Д.МӨЧИР, Г.АЛС, Н.ЦОВОО

Найруулагч: Х.АРВИНТАЛ

Эх сурвалж : СОЛОНГО МЭДЭЭЛЛИЙН ТӨВ

]]> zulaa Fri, 04 Sep 2026 15:45:25 +0800 ТАНИЛЦ: Аймаг, сумдын баяр наадмын хуваарь http://uvurkhangai.nutag.mn/index.php?newsid=2392 http://uvurkhangai.nutag.mn/index.php?newsid=2392
Аймаг, сумдын баяр наадмын хуваарийг танилцуулж байна.

Баруун аймгуудад гарсан малын гоц халдварт шүлхий өвчний улмаас Баян-Өлгий, Увс, Ховд аймгуудын баяр наадмыг 08 дугаар сарын 1 хүртэл хойшлуулсан байна.

Архангай 7-р сарын 8, 9
Баянхонгор 7-р сарын 25, 26
Булган 7-р сарын 8, 9
Говь-Алтай 7-р сарын 8, 9
Говьсүмбэр 7-р сарын 8, 9
Дархан-Уул 7-р сарын 8-10
Дорноговь 7-р сарын 6, 7
Дорнод 7-р сарын 8, 9
Дундговь 7-р сарын 24-26
Завхан 7-р сарын 24-26
Орхон 7-р сарын 22-26
Өвөрхангай 7-р сарын 8, 9
Өмнөговь 7-р сарын 8, 9
Сүхбаатар 7-р сарын 24-26
Сэлэнгэ 7-р сарын 8, 9
Төв 7-р сарын 8-10
Хөвсгөл 7-р сарын 8, 9
Хэнтий 7-р сарын 8, 9-ний өдрүүдэд тус тус зохион байгуулагдахаар товлогдсон байна.

Баяр наадмын өдрүүдээр холын замд зорчихдоо:

Тээврийн хэрэгслийн техникийн хяналтын үзлэг, оношилгоондоо хамрагдах
Автомашиныхаа техникийн бүрэн бүтэн байдлыг хангах
Замын хөдөлгөөний дүрмийг чанд мөрдөх
Хурд хэтрүүлэхгүй, аюулгүй байдлаа эрхэмлэх
Хүүхэд болон зорчигчдын хамгаалалтын бүсийг тогтмол зүүхийг уриалж байна.

]]> zulaa Wed, 24 Jun 2026 15:55:34 +0800 "Чанаргүй уртасгагч, буруу холболтоос болж, ахуйн гал түймэр гарч байна" http://uvurkhangai.nutag.mn/index.php?newsid=2391 http://uvurkhangai.nutag.mn/index.php?newsid=2391

Цахилгаан хэрэгсэл бидний өдөр тутмын хэрэглээний салшгүй хэсэг болсон ч түүнийг буруу ашиглах нь гал түймэр гарах эрсдэлийг дагуулдаг.

Сүүлийн гурван жилийн хугацаанд буюу 2024 оноос 2026 оны тавдугаар сар хүртэл улсын хэмжээнд ахуйн хүрээний нийт 9537 гал түймэр бүртгэгджээ. Үүнээс орон сууцны барилга байгууламжид 1265 гал түймэр гарсан нь нийт дуудлагын 13.3 хувийг эзэлжээ. Гал түймрийн дуудлагын дийлэнх хувийг ил галаас үүдэлтэй хогийн цэгийн хог шатах, айлын тагтан дээр хадгалсан эд зүйлс шатах, мөн цахилгааны аюулгүй байдлыг хангаагүйгээс үүдсэн тохиолдлууд эзэлж байна.

Чингэлтэй дүүргийн онцгой байдлын хэлтсийн бие бүрэлдэхүүний сургалт хариуцсан мэргэжилтэн, дэслэгч С.Урантөгсөөс дараах тодруулгыг авлаа.

Тэрбээр "Иргэд цахилгаан хэрэгсэл ашиглахдаа хэт ачаалал үүсгэх, чанаргүй уртасгагч хэрэглэх, цахилгаан хэрэгслийн утсыг уртасгаж холбох, холболтыг буруу хийснээс богино холбоо болон шилжилтийн эсэргүүцэл үүсгэх зэрэг нь цахилгаан ашиглалтын нийтлэг алдаа болдог. Мөн цахилгааны угсралтыг мэргэжлийн байгууллагаар хийлгэхгүйгээр өөрсдөө дур мэдэн хийж гүйцэтгэх нь угсралтын буруугаас үүдэлтэй гал түймэр гарах нийтлэг шалтгаан болж байгаа" гэв. .

-Дүүргийн хэмжээнд гарч буй ахуйн гал түймрийн нийтлэг шалтгаан нь юу байна вэ?

-Ил галын буруу хэрэглээ, цахилгааны аюулгүй байдлыг хангаагүй байдал, яндангийн ашиглалтын зөрчил, мөн бага насны хүүхдийг хараа хяналтгүй орхисноос үүдэлтэй гал түймэр нийтлэг бүртгэгдэж байна.

-Иргэдийн галын аюулаас урьдчилан сэргийлэх мэдлэг дутмаг учраас ийм нөхцөл байдал үүсдэг байна. Энэ чиглэлээр ямар ажил зохион байгуулдаг вэ?

– Иргэдэд чиглэсэн сэрэмжлүүлэг, зөвлөмж хүргэх, галын аюулгүй байдлын сургалт зохион байгуулах, олон нийтийн мэдээллийн хэрэгслээр дамжуулан урьдчилан сэргийлэх нөлөөллийн ажлуудыг тогтмол хэрэгжүүлж байна.

Тухайлбал, нэг залгуурт олон төрлийн цахилгаан хэрэгсэл зэрэг холбох, стандартын шаардлага хангаагүй уртасгагч ашиглах, цахилгаан хэрэгслийг удаан хугацаагаар хараа хяналтгүй ажиллуулах зэрэг нь гал түймэр гарах эрсдэлийг нэмэгдүүлдэг аж. Мөн хуучирсан цахилгааны утас, гэмтэлтэй залгуур, таслуурыг цаг тухайд нь сольж шинэчлээгүйгээс богино холбоо үүсэх тохиолдол цөөнгүй байдаг байна.

Иймд айл өрхүүд цахилгааны аюулгүй байдлыг хангаж, цахилгаан хэрэгслийн бүрэн бүтэн байдлыг тогтмол шалгах, ашиглаагүй үедээ унтрааж хэвших, мөн аврах зам гарцыг чөлөөтэй байлгах шаардлагатай байгааг Онцгой байдлын байгууллагаас зөвлөж байна.

]]> zulaa Fri, 19 Jun 2026 10:19:50 +0800 4,5 тэрбум төгрөгийн татвараас зайлсхийсэн зөрчлийг хяналт шалгалтаар илрүүлж, 584,0 сая төгрөгийн нөхөн ногдуулах акт тогтоолгов http://uvurkhangai.nutag.mn/index.php?newsid=2389 http://uvurkhangai.nutag.mn/index.php?newsid=2389

Авлигатай тэмцэх газрын Хяналт шалгалт, дүн шинжилгээний хэлтэс нь 2026 оны эхний 5 сарын байдлаар авлига, ашиг сонирхлын зөрчлийн талаар иргэн, хуулийн этгээдээс 489 гомдол мэдээллийг хүлээн авч, хяналт шалгалт явууллаа.

Хяналт шалгалтаар 68 гомдол, мэдээлэлд зөрчил тогтоогдсон ба Авлигын эсрэг хууль зөрчсөн үйлдэлд 12 албан тушаалтан, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг зөрчсөн 30 албан тушаалтанд сахилгын шийтгэл хүлээлгэж, зөрчил арилгуулах, хууль тогтоомжийн хэрэгжилт хангуулах чиглэлээр 43 байгууллага, албан тушаалтанд зөвлөмж хүргүүлсэн байна. Түүнчлэн хяналт шалгалтаар илрүүлсэн гэмт хэргийн шинжтэй 68 үйлдлийг Мөрдөн шалгах хэлтэст шилжүүлжээ.

Тухайлбал, аймгийн Газрын харилцаа, барилга, хот байгуулалтын газрын эрх бүхий албан тушаалтан нь аж ахуйн нэгжид хууль бусаар давуу байдал олгосон тухай мэдээллийг шалгах явцад татвараас зайлсхийсэн зөрчлийг тогтоож, холбогдох хяналт шалгалтыг хийлгэснээр 4,5 тэрбум төгрөгийн зөрчил илэрснээс 584,0 сая төгрөгийн нөхөн ногдуулах акт тогтоолгов.

Аймгийн Мэргэжлийн боловсролын сургуулийн захирал нь албан тушаалын байдал, албаны бүрэн эрхээ урвуулан ашиглаж, сургуулийн спорт заалыг бусдад түрээслэн, тухайн үйл ажиллагаанаас олсон орлогыг байгууллагын нярвын дансаар төвлөрүүлэн авсан боловч түүнийг буцаан бэлнээр гаргуулан авч, хувьдаа захиран зарцуулсан, түүнчлэн багш, ажилчдаас хууль бусаар сар бүр мөнгө татан авч, зориулалт бусаар захиран зарцуулсан зэрэг нийт 37,0 сая төгрөгийн зөрчлийг хяналт шалгалтаар тогтоон Мөрдөн шалгах хэлтэст шалгуулахаар шилжүүлээд байна. Аймгийн Эрүүл мэндийн газрын нэр бүхий 3 албан тушаалтан нь хяналт шалгалт хийх чиг үүргийг хэрэгжүүлснийхээ хариуд сувиллын газарт өөрсдөө үнэ төлбөргүй, гэр бүлийн гишүүддээ хөнгөлөлттэй үнээр үйлчилгээ авсан гэмт хэргийн шинжтэй үйлдлийг тогтоон Мөрдөн шалгах хэлтэст шилжүүлэв.

]]> zulaa Thu, 21 May 2026 10:30:38 +0800 АНУ-ын визний шинэ бодлого их сургуулиудад дарамт болж магадгүй http://uvurkhangai.nutag.mn/index.php?newsid=2387 http://uvurkhangai.nutag.mn/index.php?newsid=2387
АНУ-ын ерөнхийлөгч Трампын захиргаа гадаад оюутнуудад зориулсан хөдөлмөр эрхлэлтийн хөтөлбөрүүдэд өөрчлөлт оруулахаар хэлэлцэж эхэлсэн нь тус улсын их дээд сургуулиудын дунд багагүй маргаан үүсгээд байна.

АНУ-д их дээд сургууль төгссөн гадаад оюутан сургууль төгссөнөөс хойш тодорхой хугацаанд ажиллах боломжтой байдаг бол энэхүү хөтөлбөрийн нөхцөлийг чангатгах асуудал сүүлийн үед эрчимтэй яригдах болжээ. Тэр дундуу STEM буюу инженер, технологи, шинжлэх ухааны чиглэлээр суралцсан оюутнуудад АНУ-д гурван жил хүртэл ажиллах боломж олгодог. Гэхдээ шинэ хязгаарлалт хэрэгжиж эхэлвэл гадаад оюутнууд АНУ-аас илүү Канад, Австрали, Их Британи зэрэг улсыг сонгох магадлал нэмэгдэнэ хэмээн мэргэжилтнүүд болгоомжилж байна. Гэхдээ АНУ-д олон их сургууль гадаад оюутны төлбөрөөс ихээхэн хамааралтай байдаг тул энэ нь санхүүгийн дарамт үүсгэж болзошгүйг боловсролын байгууллагууд анхааруулсаар байна.

Сүүлийн жилүүдэд Энэтхэг, Хятад болон Зүүн өмнөд Азийн орнуудаас АНУ-д суралцах оюутны тоо эрчимтэй өссөн бөгөөд технологийн компаниуд ч гадаад төгсөгчдийг ажилд авах сонирхол өндөр байгаа юм. Харин Трампын тал “Америкийн ажлын байрыг дотоодын иргэдэд хадгалж үлдээх ёстой” гэсэн байр сууриа дахин илэрхийлжээ.

Б.НАНДИН

Эх сурвалж: “Зууны мэдээ” сонин

]]> zulaa Fri, 15 May 2026 15:51:29 +0800