Халдвар авсан иргэдтэй ойр харьцсан 106 хүний шинжилгээний хариу сөрөг гарчээ

29

3 дугаар сарын 15-21-ний өдрүүдэд “Сэмжид Хужирт” рашаан сувиллаар 12 аймгийн иргэд үйлчлүүлсэн ба Өвөрхангай, Дархан-Уул, Увс, Төв, Баянхонгор, Завхан зэрэг зургаан аймгийн иргэдээс коронавирусний халдвар илрээд байна.

Хужирт суманд халдвар батлагдсан 23 тохиолдлын ойрын хавьтлын 128, дам хавьтлын 713 иргэнийг олж тогтоон тусгаарлах байр болон гэрийн ажиглалтад шилжүүлээд байгаа ба энэ сарын 24-ний байдлаар ойрын хавьтлын 106 хүний шинжилгээний хариу сөрөг гарчээ. Тус суманд Онцгой комисс, Шуурхай штаб, Мэргэжлийн анги, төрийн байгууллагын болон хувийн хэвшил, аж ахуй нэгжүүдийн 200 гаруй ажилтан, албан хаагчид цар тахлын эсрэг хариу арга хэмжээ авч ажиллаж байна. Сумын төвөөс орох, гарах хөдөлгөөнд хяналт тавих 6 пост 24 цагаар ажиллаж байгаа ба сумын төв доторх хөдөлгөөнд хяналт тавихаар 14 цэгт хөдөлгөөнт эргүүлүүдийг хуваарийн дагуу ажиллуулж байгаа юм.

Хархорин суманд халдвар батлагдсан дөрвөн иргэний биеийн байдал хөнгөн  сэтгэл санааны хямралд өртсөн байгааг холбогдох албанаас мэдээллээ. Арвайхээрт сэжигтэй тохиолдлоор бүртгэгдсэн хоёр иргэнийг БОЭТ-ийн Халдвартын тасагт тусгаарлан эмчилж байгаа ба шинжилгээг дахин баталгаажуулахаар ЗӨСҮТ рүү илгээгээд байна.

скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Uvurkhangai.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Uvurkhangai.nutag.mn