Өвөрхангай аймгийн Засаг даргаар И.Доржсүрэнг сонголоо
Өвөрхангай аймгийн Засаг дарга А.Ишдорж зам тээврийн осол гаргаж, хүний аминд хүрсний улсмаас өнгөрсөн оны наймдугаар сард ажлаа өгсөн.
![](https://www.shuud.mn/resource/shuud/image/2024/01/30/k683brzd8d20pz9v/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9%20%D0%B0%D0%B9%D0%BC%D0%B3%D0%B8%D0%B9%D0%BD%20%D0%97%D0%B0%D1%81%D0%B0%D0%B3%20%D0%B4%D0%B0%D1%80%D0%B3%D0%B0%D0%B0%D1%80%20%D0%98.%D0%94%D0%BE%D1%80%D0%B6%D1%81%D2%AF%D1%80%D1%8D%D0%BD%D0%B3%20%D1%81%D0%BE%D0%BD%D0%B3%D0%BE%D0%BB%D0%BE%D0%BE.jpg)
Түүний оронд И.Доржсүрэнг Засаг даргаар томилсон байна. Тодруулбал, өчигдөр аймгийн ИТХ-ын ээлжит XXIV хуралдаанаар төлөөлөгчдийн 100 хувийн саналаар аймгийн Засаг даргаар И.Доржсүрэнг сонголоо. Тэрээр 2023 оны 9 дүгээр сарын 1-ний өдрөөс аймгийн Засаг даргын үүрэг гүйцэтгэгчээр ажиллаж байсан юм. Аймгийн иргэдийн төлөөлөгчдийн шийдвэрийг Ерөнхий сайд баталгаажуулж, томилох эсэх шийдвэрийг гаргана.
- И.Доржсүрэн нь Эрх зүйч, төрийн удирдлагын менежер мэргэжилтэй, төрийн удирдлагын магистрын зэрэгтэй.
- 1999-2000 онд Өвөрхангай аймгийн Цагдаагийн хэлтэст Тарагт сум хариуцсан Хэсгийн төлөөлөгч
- 2000-2005 онд Өвөрхангай аймгийн Цагдаагийн хэлтэст мөрдөн байцаагч, ахлах мөрдөн байцаагч
- 2005-2008 онд Өвөрхангай аймгийн ЗДТГ-ын Хууль зүйн хэлтсийн дарга
- 2008-2012 онд Өвөрхангай аймгийн Иргэдийн Төлөөлөгчдийн Хурлын дарга
- 2014 онд Өвөрхангай аймгийн Засаг даргын Хуулийн зөвлөх
- 2016 - 2023 оны 8 дугаар сарын 31-ний өдрийг хүртэл Өвөрхангай аймгийн Засаг даргын орлогчоор ажиллаж байсан.