Энэ өвөл Өвөрхангай аймгийн хэмжээнд 4.479.058 толгой мал өвөлжсөнөөс 2021 оны тавдугаар сарын 20-ны байдлаар 4.2 хувь буюу 187.265 толгой мал хорогдсон дүн мэдээтэй байна.

Малын хорогдлоос 88 мянга гаруй ямаа хорогдож, дийлэнх хувийг эзэлж байгаа юм. Хонь 75 мянга, үхэр 12 мянга, адуу 7 мянга, тэмээ 2 мянга гаруйтай хорогджээ.

Нийт хээлтэгч 1.986.942 толгой малаас 1.430.497 мал төллөх бөгөөд 60 орчим хувь буюу 856 мянган толгой мал төллөөд байна. Төл бойжилт 92.8 хувь буюу 794.317 мянган төл бойжиж байна. Төллөх малаас 26 мянга гаруй мал хээл хаяжээ.