Энэ сарын 14-нд мод тарих хөдөлгөөн дахин өрнөнө

32

Аймгийн хэлтэс, албадын дарга нарын шуурхай хуралдаанаар аймгийн Засаг даргын орлогч И.Доржсүрэн мод бут тарилттай холбоотой мэдээллийг өглөө. Аймгийн хэмжээнд мод бут тарих ажил өнгөрөгч амралтын өдрүүдэд эхэлсэн. Арвайхээр сумын шинэ суурьшлын бүсийн 12 га талбайд  төр, хувийн  хэвшлийн 116 байгууллага мод тарьж, ургамлан хашлага хийхээс 83 байгууллага оролцжээ.
Төв захын баруун талд банк санхүүгийн 13 байгууллагаас 6 байгууллага тариалалт хийсэн бол хуучин Цагаан хаалганаас зүүн тийш 1 км талбайд 28 байгууллага тариалалт хийх ёстойгоос “Содмонгол” ШТС, “Сансар”, “Номин” худалдааны төв болон Хэвлэл мэдээллийн байгууллагууд идэвхтэй оролцсон байна.

Иймд үлдсэн байгууллагуудыг мод сөөгөө яаравчлан тарих шаардлагатай байгааг хэллээ. Энэ сарын 14-ний өдөр Арвайхээр сумын хэмжээнд мод тарих хөдөлгөөн өрнөх ба 20-ны өдөр бүх нийтийн хог цэвэрлэгээний ажлыг зохион байгуулах юм.
Мод бут тарьсан байгууллагуудаас технологийн алдаа гаргасан, мэргэжлийн хүнээс өгсөн заавар зөвлөмжийн дагуу ажиллаагүй асуудал гарсан тул алдаагаа залруулж, дахин хийхийг санууллаа. Мод тарих өдрөөр байгууллагууд 9743 ширхэг мод бут тарьж, 50 мянга орчим тарьц суулгацын үрсэлгээг худалдан борлуулсан байна. 
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Uvurkhangai.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Uvurkhangai.nutag.mn